Ángel Uzquiza Berrikuntzako zuzendaria da Santalucía Seguros-en eta Santalucía IMPULSA-n, eta esperientzia handia du berrikuntzan, bai maila estrategikoko plangintzan (DesignThinking eta Lean Startup Egitasmoetan eta Metodologian, Berrikuntzaren Kulturan, Ekintzailetzan eta Open Innovation); gainera, eskarmetua badu hainbat enpresatan berrikuntza-estrategiak gauzatzen eta ezartzen. Hainbat unibertsitate eta negozio-eskoletako hezitzailea ere bada: Bankinter Berrikuntzaren Fundazioa, The Valley Digital Business School eta EOI. Psikologian lizentziaduna da Madrilgo Unibertsitate Autonomoan, eta Enpresa Kudeaketako Masterra egin zuen Comillaseko Unibertsitate Pontifizioan.
Mireia Garcíak 20 urte baino gehiagoko ibilbide profesionala egin du Pertsonen Zuzendaritzan. Urte hauetan guztietan egindako lanik garrantzitsuena, bi enpresa-taldetan pertsonak kudeatzeko eredu estrategiko eta berritzaileak diseinatu eta ezartzea izan da, aldaketa-prozesuen buru izan daitezen; konpainia osatzen duten pertsonak baitira horiek eraldatzea ahalbidetzen dutenak.
2012tik hona Santalucia taldeko Pertsonen Zuzendari Korporatiboa naiz, aseguruen, laguntzaren, aseguru-bitartekaritzaren, assetmanagement, hirugarren adineko egoitzen eta ehorztetxeen sektoreetan enpresak dituena. Santalucia, ia 100 urteko familia- taldea da, eta gaur egun 12.000 kolaboratzailetik gora ditu.
Iñigo Larrea talentua kudeatzeko zuzendari korporatiboa da gaur egun Mondragon Unibertsitatean. Mundu osoan negozio anitzeko kooperatiba-korporazio liderra osatzen duten 80.000tik gora pertsonen talentua erakartzeko eta garatzeko sinergiak zehazteaz eta ezartzeaz arduratzen da.
Zientzia politikoetan eta soziologian lizentziaduna da Deustuko Unibertsitatean (Bilbo), eta ikasketak Middlessex Universityn (Londres) egin ditu, baita ekonomia eta enpresa-kudeaketako doktoretza ere. Ikasketa kooperatiboetan lizentziaduna da eta Coach ziurtagiria du.
Iñigok Deustuko Unibertsitateko «lidergo-proiektuan» hasi zuen bere ibilbide profesionala; ondoren Accenture-n aldaketak kudeatzeko aholkulari gisa hasi zen lanean, eta, aurrerago, LKSn, Mondragoneko aholkularitzan. Iñigok lidergo-erantzukizunak hartu ditu LKSn pertsonen garapenerako taldearen kudeatzaile gisa, baita Nerako giza baliabideen zuzendari korporatibo gisa ere. Mondragon taldeko kooperatiba industrial honek 1.800 pertsona baino gehiago ditu, 9 ekoizpen-planta 6 herrialde desberdinetan, eta 14 merkataritza-filial.
Mondragon taldean esperientzia handia pilatuta, Iñigo antolaketa-aldaketarako eta pertsonen kudeaketarako proiektuen buru izan da, tamaina eta sektore askotariko enpresetan. Iñigo, orain, negozioetan eraldaketa digitalak izango duen eraginaren aurreikuspenarekin lotutako abangoardiako proiektuetara bideratuta dago, bestak beste, negozioen eta hezkuntzaren arteko lankidetza, talentuaren erakarpena eta garapena, etengabeko ikaskuntza, malgutasuna eta enplegagarritasuna sustatuz.
Iker Estensoro (Lazkao, 1975) Mondragon Unibertsitatean ikasitako Industria Antolaketako ingeniaria da, eta University of Strathclyde-ko Management of Competitive Manufacturing Masterra du. IK4 IKERLANeko teknikari lanean hasi zuen bere ibilbide profesionala, ondoren ORKLI S.Coop. enpresan garatu zuena, non kalitate arduradun bezala hasi zen, gero produkzio arduradun izatera pasa zelarik. 2009tik Key Account Manager izan da ORKLIn. Azken bi urteetan ORKLIko lehendakaritza ere bere gain hartu du, eta kargu horiek beste erakunde batzuetako kontseilu errektoreetako lehendakaritzarekin eta ordezkaritzarekin bateratu ditu, hala nola IK4 Lortek-en, Mondragon Componentes, Goierri Goi Maila Eskola, Goilan Fundazioa, San Benito Ikastola eta ACEDE elkartean. Gaur egun, Gipuzkoako Foru Aldundiko Ekonomi Sustapen, Turismo eta Landa Ingurunearen Saileko Ekonomia Sustapenaren arloko zuzendari nagusia da.
Gainera, Gipuzkoako Industrialdeak, Biodonostia, Zaisa, Ficoba, Biozientziak Fundazioa, Bic Gipuzkoa, Seed Gipuzkoa edota Ortzibiako administrazio-kontseiluetako kide ere bada.
Iván Sáenz Domínguez doktorea Gaur egun, Irurena Group-en dabil lanean, Robtrusion Startup-aren sustatzaile nagusi gisa, barne-ekintzailetzako eredu batean. “Moldez kanpoko UV ontzean oinarritutako pultrusioa: automobilgintzaren industriarako osagarrien garapena” izeneko doktorego-tesia amaitu zuenean sartu zen Irurenan. Tesi horrek Eusko Jaurlaritzako Hezkuntza, Hizkuntza Politika eta Kultura Sailaren doktoratu aurreko beka izan zuen (PRE_2015_1_0375), bikain cum laude kalifikazioa lortuz.
